Книжница Самарского староверия Четверг, 2020-Май-28, 05:16
Приветствую Вас Гость | RSS
Меню сайта

Категории каталога
Книжная культура старообрядцев [52]
Центры книгопечатания [6]
Рукописные книги, переписка книг [13]
Старообрядческие писатели [26]
Старообрядческая словесность [14]
Книжные собрания [20]
Круг чтения староверов [26]
Новые издания старообрядцев [21]
Летописи [6]
Рецензии старообрядцев [6]

Главная » Статьи » Книжность. Книгоиздательство » Рукописные книги, переписка книг

Морозова Н. Из книжного наследия староверов Латвии

Несколько лет назад в Библиотеке Нацио­нального музея Литвы я обнаружила старообрядческую рукопись, отрывок из которой пред­лагается читателям настоящего издания.

Найденная рукопись состоит из двух неравных частей. В первой части (л. 1-176) помещены 13 религиозно-дидактических ста­тей (слов и поучений) литературно-мемуар­ного характера и «Изложение о последнем времени» (без конца), написанные неизвест­ным автором в 1936-1938 гг. предположи­тельно в Латвии. Вторая часть (л. 177-205) -это список двух «Писем к приемлющим бессвященнословные браки» Асафа Мниха, изданных в 1865 г. в г. Яссы (Румыния) в ти­пографии А. Бермана. Список сделан Д.Д. Михайловым в 1923 г., о чем свидетельствует запись на обороте последнего листа рукописи: «Выписаны сии письма из печатнаго оригина­ла, листового образца, печатаннаго в городе Яссы, в Румынии, в типографии А. Бермана 7373 лета 1865. Д.М. 1923. Октября 5° д.».

Обе части объединены в одну книгу и подго­товлены к переплетению, но по каким-то причи­нам работа не была завершена - в Националь­ный музей рукопись поступила без переплета, а у корешка до сих пор сохранилась иголка с льняной ниткой, которой сшивались отдельные тетради.

Наиболее интересна первая часть руко­писи, так как она являет собой образец оригинального творчества староверов стран Восточ­ной Балтии в первой половине XX в. Примечательно, что в помещенных в эту книгу словах и поучениях не просто объясняются те иные нормы христианского поведения, но все они иллюстрируются рассказами о духовном и жизненном (практическом) опыте самого автора или его соседей и знакомых, что придает повествованию не только достоверность, но и наглядно (на примерах) демонстрирует действенность правильного поведения и неминуемость наказания в случае нарушения этих норм. Все тексты на­писаны на церковно-славянском языке, что говорит об очень высоком уровне образован­ности нашего писателя.

Для того, что бы читатель мог представить себе содержание сборника, привожу его состав полностью: Поучение боголюбива мужа о молитве, душеполезна суть зело; како подобает молитися с великим опасением, да не в грехы молитва нам будет (л. 1-23); Слово о той же молитве и о составлении канона, како бысть составлен канон смиренне, и Господь Бог услыша и спасение подаде (л. 23 об.-39); Слово об ангеле Господне, како помощь подаде верующим и сего ради достоит похвалы (л. 39 об.-57 об.); Слово яко не подобает впадати в уныние и злое мышление, се есть первый вход злым духом (л. 58-68 об.); Слово яко не подобает нам любовь имети с неверными и добродетели им не творити (л. 69-77); Слово о чловеце, чесо ради создан бысть на земле, да славу воздаем Господеви, яко вышше всех творении его есть (л. 77 об.-91 об.); Сказание о понедельнику, како подобает провождати в посте, да ангела Господня милостива себе сотворим (л. 92-103 об.); Слово о находящих искушениях и о Божием промышлении к чловеку на всяк день, да от греха свободни будем (л. 104-114); Воспоминание о чудесех Господних, бывшее во время брани, и о силе Креста (л. 114 об.-124); Слово како подобает хранити и со благоговением почи-тати Сон пречестныя госпожи Богородицы и присно Девы Марии (л. 124 об.-131 об.); Слово како на трапезе подобает ясти с великим опасением и с молитвою, да во славу Божию вся творим (л. 132-142); Слово о бесконечной любви Божией к чловеком (142 об.-152 об.); Слово о покаянии, еже не ленитися о своем спасении (л. 153-165); Изложение о последнем времени (л. 166-176 об., без конца).Установить личность автора этих сочи­нений пока не удалось. Из текста первого Слова мы узнаем, что в 1919 г. он посещал храм св. Дмитрия Солуньского, при этом из повествования следует, что действие проис­ходит в Латвии. Однако на территории сов­ременной Латвии старообрядческого храма с таким редким посвящением нет и, кажется, никогда не было. Возможно, речь идет о Пыталовском районе современной Псковской области, который в межвоенные годы входил в состав Латвии, или же указана одна из домашних молелен. Автор повествования участвовал в Первой мировой войне, он подробно описывает свое возвращение домой с фронта в феврале 1918 г. и чудеса, бывшие с ним во время пути на станциях Конотоп и Бахмучь (Третье слово), в 1936 году в декабре у него умирает некрещенный младенец (пятое Слово). Более точных ориентиров в рукописи нет.

В настоящем издании публикуется второе Слово о пользе молитвы, поскольку в нем одновременно представлены и чисто проповеднические элементы, и, что наиболее интересно, достаточ­но объемный фрагмент мемуарного характера, в котором автор повествования рассказывает о своих мытарствах во время Гражданской вой­ны. Текст публикуется в современной русской орфографии, специфические знаки церковно-славянского алфавита заменены соответствующими русскими буквами.

Публикуя данный отрывок и фотографию рукописи, я хочу обратиться к читателям: может быть, кто из вас узнает по описанию событий своего родственника или знакомого. Если описанные события окажутся вам знакомыми, напишите, пожалуйста, об этом редактору Календаря или лично мне по электронной почте. Возможно, таким образом нам удастся вместе с вами установить имя это безусловно интересного человека.

 
Надежда Морозова, nadia@delfi.lt
 
 
 
27 марта 1936 года
Слово о тойже молитве и о составлении канона, како бысть составлен канон смирение, и Господь Бог услыша и спасение подаде


(Л. 23 об.- 39) Многая и преславная чудеса преблагаго Бога никтоже может изрещи, ни изглаголати, подробно николиже, еже деемо бывает ко спасению нашему, во вся роды и времена содевает во славу свою благоугодившим ему, от всякаго народа и всякаго племене приятны есть Богу творящия заповеди его с любовию, и хотящим творити // со усердием волю его. Таковых научает своею мудростию и силою и приводит к познанию вере, яже угодна ему есть, и крепость подает добродетелей исполнение, един той всемогущий Бог, от негоже ничтоже может утаено быти, ни помышления наша укрытися, таковых наставляет творити угодная ему и хранити вся заповеди его, и крепко стояти в правде его, закон соблюдающе. Многи есть творящия терпеливно и непрестанно заповеди его святыя, но крыяхуся // молвы ради чловеческия и избегаху всяко, да не уведано будет дело их. Но Бог не тако волит, но хощет, да уведано будет последующим родом, дабы все познали волю его и благодеяние к роду чловеческому. Первие откры видение о молящихся, яко во мнозей скорби видит Господь рабы своя и не оставляет их, прибегающих к нему и просящих помощи, аще и всегда нас зрит, яко своя чады, да мы забываем о нем и не помышляем, когда бываем доволни, и не приближаемся ко спасению, // но пребываем в суете века сего, славы получити хотящи у чловек и богатства собрати множество, о Божией славы небрегуще, тако и аз егда видех видение, паки умолчах, мнех, яко единому мене токмо хощет открыта, но несть тако. По пяти летех нощию явлением некоего мужа и словесника Христова, повелевая поведати чловеком всем его дела, да прославится имя его во вся роды и роды (так! - Н.М.) на укрепление многим, аз же умолчах и по сем, никомуже поведая. //По десяти паки летех болезни посланием лютыя укрощает мя, еяже стерпети не возмо-гох, к Господу обратися, прощения прося моему молчанию. Познах волю его, яко научает мя глаголати, да прославлению великаго имени Божия всюду возвещается, яко любит Господь лю­бящих его и приближающимся к нему истине. сам предваряет ко спасению приводящи, хощет наполнити чертоги своя праведными, да не пусты пребывают места его, всех призывает к нему приходити // и с ним веселитися, не может терпети дело руку своею, порабощаемо ненавистнику рода чловеческаго злато диявола: мнози бо ищут слышати и познати благую волю его, но зрением и пребыванием в сем суетнем мире и прельщением дел его не могут получити желаемаго, но слышащи великая и чудная дела его, приходят к создавшему их.

Оле! Мудрость Божия творит чудная, да ими, яко некоею удицею, приведет к себе хотящая к нему прийти на покаяние; // таковым чловеком, хотящим познати пути его, будет на пользу всяко слышание Божиих чудес, всему веру емлют без сомнения, понеже и сами тщатся достигнута всякаго блага и спасение обрести. Таковии. чловецы ощущают в себе благодать Божию, и познавают, и веруют, яко вся возможна сотворити Богови рабом своим, а неверующий, аще и на всяк день, зрят знамения, но ум их не может обратитися и познати промысла срздавшаго нас, не уведят бо, ниже познают волю его, // зане не тепле ищут: хладен разум имут и на житейская со усердием прилежат. Таковым несть время поучатися или прилежати о души, яко неким покровом умная очеса покровено у них, и не могут разумети сего и не тщатся о сем познати, сами себе повергают во тму и безответни будут.

 
Аз бо глаголю хотящим слышати слова Божия и уверовати имущим тонку душу, имящим и слух разума, отверст на слышание Божиих чудес. Но како изреку Божие дело и // промыш-ление о нашем спасении, не токмо мой ум сия вся изрещи может, но и всего мира риторы не возмогут поведати Божие благоволение к роду чловеческому. Истину бо реку, ниже слышах аз от кого или видех, но самому прилучися испытати Божиих чудес силу. Но како могу все подроб­но изглаголати, неучен сыи, но токмо надеяся на Божию милость, мало нечто исповем от Божиих чудес в последняя роды нам грешным; не хотех бо и сего рещи, да убояхся Божияго гнева и // отмщения, яко елико любит любящих его, то добро есть, а еже уже на гнев возведеши Божие долготерпение, тогда горе есть таковому чловеку, преслушающу Божия повеления и заповеди. Лучше бо жити чловеку под Божиим промыслом, неже гнев воздвизати на ся.
 
В ето плача достойное время много чловецы бед испыташа и понесоша, понеже гнев Божий сниде на люди: много скорби бысть живущым на земли, мнози на брани погибоша, а инии гладом изомроша, инии мором //и болезни различныя претерпеша, а инии и живы быша, но много бед прияша по Божию попущению, еже бысть тысяща девять сот девятаго надесять года: царя бо не бысть, ниже властелей, вся бо испровергоша и попраша; мнози сменишася властели, по сем одолеша именуемый большевики и устроиша междусобную брань во всем государ­стве. И бысть крамола велика в людех: мнози бо невинною смертию от руки их изомроша, и по­сему не даяху славити Бога, ниже молитися // ему оставляху, праздники Господни изкорени-ша и не даяху праздновати. И за сие мнози не хотеша за них исходити на брань и крыяхуся по домех своих, беды приемлюще, понеже мнози искаху таковых, и бияху их, и мучаще не милостивно, на брань в воинство свое беззаконное отправляху. И тако много время бысть. Прибли-жисяих праздник воцарения, 25 октоврия 1919 года, и даша они пред праздником своим прихо­дить свободно всем крыющимся в их воинство. // И много поидоша к ним, боящися да не како изловлени будут, злая претерпят. И аз тожде изыдох, понеже не удобь тогда бысть крытися, многажды бо из лов ляху; и когда прииде в их место, идеже принимаху таковых и записаху мене, нас бысть четыре чловека из единыя веси, изаписаша вкупе нас. Етих три чловека приня­ли и осмотреша на комисии и проводиша в их армию, а мене уже и на комисии бывша и нага ожидающе, заста их праздник, и не успеяху при//няти по Божию смотрению и отпустишь на праздник их 25 октоврия на три дни. А уже по празднице их, когда прииде паки, то бысть чудо велие - моих списков не обретоша нигдеже, идеже аз бысть у них записан: всюду искаху и не обретоша, и укоряху мя вельми, яко лжу им глаголю и им яко смех творю, и ругахуся над мене. И оттоле сташа строго следити со мною, и записаша скоро, и приняли во свою армию, но аз разумех, яко неугодно // Богу сие воинство и не­приятно ему есть беззаконное их собрание анти­христово, понеже они отвергаху Бога и помощ­ника себе не хотеху имети, и Бог их отвержеся, но яко же есть писано: царствовати им остави, яко прииде их время царствовати в последния лета. И аз умыслих укрытися паки и моляще Бога да како бы избежати от них, понеже не пускаху уже свободна ходити, и упросися у них яко потребы ради изыти, и егда изшед, пойде во славу Божию до дому. // И оттоле много горест­ная испытах, крыящеся в доме, много бо прилежаху искати таковых вой их и много досаждаху не токмо сим, но и домашним досаждения деяху за сие, да быша не возмогли крыти у себе никогоже. Бысть же и еще знамение Божия си­лы, и неблаговоление к воим их бысть 28 нояб­ря: приидоша войско их к нам стояти, понеже и бои недалече бяху. Аз бых в доме и чтению предахся по обычаю. Позрех и вижду едущих множе//ство воинов; и побегох крытися скоро, а одежды не взях: аз мнех, яко розыск токмо прииде, понеже множицею ездяху изловляти таковых чловек, много бо бяху крыющихся. А ети воини приидоша стояти в весь нашу и сташа по домех помещатися, идеже можаху. У нас поставите 8 чловек и с [лошадьми] кони их, и сташа они сено искати для кони их, а аз мнех, яко ищут мя погубите. Боязнь прииде на мя, и хлад бысть велик тогда, аз же бых едва ли не // наг, крыяся, и толико пребысть весь день, тако исполнися хлада, яко еле жив суще, ово от мраза, ово от страха, яко мнех еще, что ищут мя. К сему еще исполнися жалости к матере вельми, яко егда искаху кого, тогда и домашних бияху, и толико пребых, не могох стерпети того мраза и возопих ко Господу, могущему мя токмо спасти, и обеты даде в сию нощь 20 лестовок отмолитися с великим прилежанием, да аще сохранит мя цела. И оле! Сила молитвы из глубины души // к Богу возсылаемая! Скоро слышит вездесущии господь и вскоре бысть у них смятение некое: некто запрети их начальнику поехати в град, скоро суще. Они же и нехотящи изыти тако, но обаче повинующеся сему изыдоша и в той град, отстоящ 25 верст от нас, скоро грядуща. Аз же приидох тогда в дом с великою радостию, заповеданное соверших без боязни - 20 лестовок возсылая скоро вседержителю Богу, чудная совершающему рабом своим, а сие воинство прии//де в град к начальству, а их никтоже и требова, токмо един невидимый Бог устроя сие. И посему их возвратиша вспять, паки в весь нашу, аз же тогда устроих себе убежище, и одежды взях, и пребывах вне дома, но уже не бояхся тогда. И приидоша к нам 1 декабря 1919 года, у нас поместиша 3 чловека коммуниста, тогда паче неудобь бысть крытися, да еще некто поведа им, яко есть зде, иже не хощет по вас быти, но крыется. И они зело // стали соглядати всюду, и пищи такожде неудобь подавати - вельми наблюдаху воины, и еще единощи случися сие дело, мню, Божие некое смотрение пребысть, сохраняюще невредимо от рук сих воинов. Прилучися тако: един от воин рано вос-тах, пойде искати мя и следити, како бы яти мя, понеже тщашася всяко ухитритися изловити таковых, яко им похвала велия бывает и награ­да за сие. Но Богу не тако хотящу, и аще Бог не сотворит, что всуе трудитися // имаши и ничто-же успееши в замыслех своих, тако бысть и зде. Труждашеся сей воин много, ничтоже пользова. Аз же, не ведая сего, тожде востах рано суще, потребы ради, да и пищу ми тожде рано прино-шаху. И аз изыдох из убежища своего и прииде во двор, ничтоже боящеся - рано суще, ведая, яко в сие время воини обычно почиваху. Но пришед и вижду седяще воина, близ дверей суще и смотряюще, како бы уведати, идеже аз пребы­ваю, // да яти мя потщится. Аз же приидох сам к нему, близ суще до него, и вельми устрашися, зря его, и он на мя смотряше. Аз стах на едином месте, мнех яко уже погибох - поймет мя сей воин - и не ухождах от него, и стоях тако на много времени. Прииде же в себе, яко ничтоже ми деет пакости, и размыслих добре, яко уходити требе во своя, и пойде аз на свое место от него, никимже держим. Воин бо той пребысть, // яко и до мене смотряше, аз видех очи его, а он Божиею силою мя не видех: по Божию строе­нию, яко хотяше всесильный Бог цела сохранити, дабы поведал славу его и силу всем живу­щим на земле. И тако Божиею помощию сохра­нен пребысть невредим от руки их и написах канон покаянный Господу милосердому, яко мнех аз уже не жити на сем свете и готовляшеся к смерти и к своему создателю моляшеся токмо спастися. Он бо преблагии и милосердый Гос­подь вельми бо милостив бывает // к призываю­щим его с верою и хотящых прияти от руки его избавление скоро слышит и тщится помощи на­деющихся на него во всех бедах и скорбех, и никтоже совета его может знати, ниже повредити ему, но еже хощет, то и творит. Аз не скончах канона к нему изглаголати и молитву содеяти до конца, а Господь избавление свое посылает и не попущает во отчаяние приходити и чрез силу претрудитися, но все во время зрит и строит по­лезная, яже ко спасению на//шему бывает.
 
И когда настало невозможно избежати от воинов тех, ниже Богу в доме помолитися да и всюду опасение приближися, тогда Господь воздвизает руку свою, посла избавление - в двадесять первый день декабря месеца Латвия прии­де, а сии большевики поидоша отсюду со студом, яко и малая сия Латвия их победи и прогнаша. Тако бо Божие произволение бысть, строюще на пользу рабом своим все царства от него созидаются, донележе благоугодно ему есть и почитают его, // и ограждает таковое царство и безмятежно пребывает, но егда начнут угнетати друг друга, якоже и Господь рече: аще разделит­ся царство на ся, не устоит царство сие. Чловецы мнят себе лучше других быти и начинают при­теснения учиняти слабейшим, а не ведают сего, яко вопль их во уши Господа Саваофа внидет, и колико паче притесняют и теплейша молитва исходит, и еже мнятся владычествовати, пресецает Господь царство их, не может терпети уничижаемы рабы своя. // Не можем мы знати, кто паче достоин Богу, но подобает всем к нему прибегати, о своих согрешениих молитися, а другия не зазирати, идеже будет любовь, тамо и Бог будет пребывати. Чловецы на племена раз­деляются, а пред Богом вси равни, всяк токмо за свои дела воздати ответ имать. Потщимся благоугодити добрыми делы пред Господем, да тамо разделения не получити. Зде внимай, яко уничижаемии и оскорбляемый Господа ради спасение получают от спасителя всех Бога, из­бавляет Господь // прибегающая к нему нелицемерно. Рече бо Господь, яко всяку слезу, пролиянную до мене, утру от лица их и молитву их исполню. Пребудем в любви к Богу и ближняго возлюбим, угождающе друг другу, исполняюще закон Христов, да чистою душею радость приимем от него, не возбраняюще, ни разделяюще да Господь Бог продолжит жития нашего на; ле и напитает хлеба довольно. По слову его: яко николиже видех праведника, просяще хлеба, ниже семене его, благоволит Господь препитати ради единаго праведника и все семя его, Такожде и погубление приходит на всех рада; единаго чловека, мерзска Богу. Блюдем, братие, кождо себе, да не гнев Божий привлечем нася, погубляющии и братия наша, но воспомянем, яко немногих ради Господь избави от руки вои­нов тех безбожных, и како вси возблагодариша Бога в веселии сердца. Приспе же тогда и празд­ник прерадостныи, превеликий день Рождества Господа нашего Исуса Христа, и пойде аз в веселии сердца и радости исполнен ко святому храму помолитися творцу всех Богу, благодаре­ние принести всех создателю, яко помилова мяи|спасе неизреченною своею силою и мудростию неисповедимою. И егда моляшеся Богу, видех видение преславно от Господа Бога, являемое к чловеком, понеже вси моляхуся усердно Богу о спасении своем, вси быша радостни, яко избавиглася от великия беды. И глад крепок пребыва-ше тогда, нигдеже хлеба возможно достати, ниже соли, едяху людие, яко скоти, без соли и хлеба, а наипаче не // даяху молитися Богу, печаль пребываше на людех, видяще востаки естество на Бога, находящу царству антихристо­ву. А Латвия прииде, и скорбь сия удалися временная: хлеба скоро бысть доволно, такожде i соли, и вся, елико на потребу всем бысть. Паче радость бываше велия, яко не возбраняху муже нигдеже Богу молитися, якоже кто хощет, тако и молися, никогоже принуждаху. Дажда им, Господи, спасения получити, такожде и нам обрести милость от Господа Бога в день судный, емуже слава буди от всех, ныне и присно.
 
Древлеправославный календарь на 2008 год - Рига
Категория: Рукописные книги, переписка книг | Добавил: samstar-biblio (2008-Янв-20)
Просмотров: 1829

Форма входа

Поиск

Старообрядческие согласия

Статистика

Copyright MyCorp © 2020Бесплатный хостинг uCoz