Что се безмолвие на земли; и что се молчание много; яко Царь спит. Земля убояся, и умолче, яко Бог успе плотию. Бог плотию умре, и ад вострепета. Бог в мале успе, и от века спящыя от Адама возстави. Где вчерашния молвы многи на Христа беззаконных; где народ мног; где дреколия, иереи же и судии злыя; где свещи и мечи, и говори безчисленнии, и людей шатания;  воистинну убо людие поучишася тщетным, поткошася о твердый камень, и сотрени быша.