Статья первая. Чтобы каждый християнин каждый год пред другом своим пред православным християнином, им же уповает исполныпением тягот его прияти, исповедывал грехи своя  и самыя  мысли и вся воли своя. Ко утверждению первыя статьи книжныя свидетельства.

Катехизис малой, лист 57 на обороте: «Вопрос. Которая есть четвертая заповедь церковная? Ответ. Четырищи летом подобает исповедатися, аще и частее благовейншии могут, но никто же паки да имеет того, которой бы не имел ни единою летом исповедатися, таковыи под клятвою и отлучением от церкве».

2-е. Книга Сын церковный, глава 61. «Пишет бо у нас в християнском законе: „Аще кто в мире живет, а отца духовнаго себе не имеет, той несть християнин. И горе человеку тому, живущему в мире, иже умрет, а отца духовнаго себе не имеет, лучше бы ему было, еже не родитися"».

3-е. Послание Фотия, митрополита Московскаго, во Псков град: «И которыя люди живут без покаяния и отца духовнаго не держат, аще и к церкви приходят, не имати приношения от них к церкви, а своим детем духовным возбраняйте с таковыми не ясти, ни пити, ни в своя домы ниже к ним ходити, понеже сии сами отлучишася от стада Христова словесных овец».

4-е. Потребник. В чину исповеди, в роспросе: «Аще убо християнин умрет без покаяния, то не достоит над ним иерею пети, ни приношение за нь принести, яко не исполнил закона Вожия и веры християнския» .

5-е. Псалтырь с совоследованием: «По вся же дни и вечеры исповедаеши дела своя и помыслы».

6-е. Книга Тактикой11, слово 38, лист 200: «Той паки старец Бога моляше показати ему о умерших его ученицех. И видя некая от них два на велми страшнем месте и сих вопрошая. Един убо отвеща глаголя: „Яко погуби мя чревообъядение". Другии же глаголаше: „Яко помыслы имех неисповеданы"».

Статья 2-я. Яко и пред простолюдином исповедатися можно, зри сему свидетельства отеческая и книжная.

1-е. История о Выговской пустыни во главе 23, о отце Корни-лии Выгорецком. «И начата людие ко отцу Корнилию приходити с градов и волостей от гонения, он же их учаше древлецерковное благочестие хранити и от Никоновых новин бегати и удалятися, овых крещаше, а овых исповедаше».

 2-е. Тоя же Истории от главы 54: «Поживе же отец Даниил // всего жития своего от роду осмьдесять лет без девяти недель. Имея-ше множество детей духовных во обоих монастырех и во окрестных скитах. Всегда о том печашеся, часто ездяше с монастыря, духовных поучая и наказуя, и сии от бедных и нищих посещая и снабдевая». Святоотеческое его житие сие являет.

3-е. Тоя же Истории от главы 96-я: «Симон по совету настоятеля прииде на бор и живяше у часовни, служаше службу по вся дни, поучаше братию, овых християн на исповедь к себе преимаше, ово кормящеся стариною, а ово же подаянием за помяновение». Ниже: «С великим усердием детей духовных наказуя, и испытая, и запрещая по правилом. Подобен в том духовном деле отцу Даниилу настоятелю и велми к Богу в молитвах прилежен, всегда службу церковную всю отправляше, каноны, и правило, и молебны пояше, и панахиды по вся дни, зело бо крепок ногами».

4-е. Тоя же Истории от главы 98-я: «Старица Анфиса, сродница Андрея Дионисовича, от малых ногтей велею веру к Богу стяжа». Ниже: «Множицею видевше ю на правилех стоящу, с таковым сокрушением, яко бы кто от великия нестерпимый сердечныя жалости над умершим плакал, сна приимаше с вечера часа два или три воставши до заутра, всю нощь в молитве пребываше, а днем между службою Псалтырь пояше и за братским" рукоделием седяще часто, попеваше умиленным гласом ирмосы: „Молитву пролию ко Господу" и "Давающаго в молве". И некоторыя сестры о недостатках своих извещалися ей и великую получали отраду и пользу, а епитемии много исправляйте».

5-е. Тоя же Истории от главы 104: «Васса девица с Шунги с Хашезера толико была боголюбива, и чистолюбива, и к молитве усердна, и к посту воздержна, и в трудех тщательна, по вся дни и в нощи в том пребывающи, и на общую молитву со усердием хож-даше, а против праздников Господьских и Пресвятыя Богородицы без сна пребываше в молитвах и всенощных стояниих неослабно и пение и книжное чтение со усердием слушая и внимаше». Ниже: «В таковом посте и воздержании и молении житие свое окончала. Отцу своему духовному часто исповедашеся и епитемии от него взимасте».

6. Книга Тактикой, слово 38, лист 197 оборот: «Слышахом брата, приимша обычаи со инокинею некою, усрамив же ся зде во своей стране иноческое отложити жительство и мирски пребывати, яко муж со женою, судиша в чужую страну отити и тамо сотворити. Изшедше же идяху, не усовершене действовавше страсть, егда до-стигоша обитель, прииде им мысль раскаяния и рекоша к себе се, убо вменим, яко грех совершихом, что от сего пользовахомся; ныне убо возвратимся кождо во свое пребывание. Возвратившежеся, доспеша во глаголемую обитель царскую, во еже почити. И побеждени бывше от диявола, падоша в страсть. Вечеру же бывшу, прежде даже вратом града Антиохии затвореном быти, пад брат вне града и умре. Инокиня же она, недоумевшися и шед во град, взят от некоего знаема си лопату и мотыку. И тме бывши, никому же от человек зрящи, изыде и ископавши, засыпа в земли тело мниха. И пребывши до заутра, вниде во град Антиохию. Антиохиане же изшедше заутра и им от свечера гроб в небе узревше, недоумеяху, что разумети. Прелесть же такова вниде в них, убо раб Божий некий свят умре и, не хотя прославитися от человек, повеле своим учеником того зде нощию отай погрести; сице помышляюще, начаша кождо приносити больныя своя и действом сатаниным по попущению Божию, ими же судбами, той весть един, исцелеваху, кождо от нея же бе держим страсти. Паки виде Бог бывающую прелесть, устрой нечто таково ко применению. Инокиня она, слышавши сия внутрь сущи Антиохии, недоумеяше, что сотворити, обаче убо другую инокиню поемши, изыде и, особне от народа ставше, блюдяху бывающая чюдеса. По смотрению же Божию от внешних монастырей мних прииде, яже видев народ людей и инокиня особь стояща, начат яко поучати их во своих клетех безмолвствовати, а не тако с мирскими ходити. Вопроси же их, глаголя: „Имате ли отца духовнаго?" Отвеща же ведущая тайну, яко „ни, отче, не имам". Мних, промыслом Божиим наставляем, удержа ю на исповедь: абие же по тонку исповеда ему вся. Той же, слышав сия, инокиню убо наказав, яко же подобаше, и отпусти во своя. Сам же вшед во град, и взем рыло и лопату, и изыде, и пребысть вне. И нощию взем тело мниха, вверже в реку, место же, яко же бе, уравняв, отиде. Заутра же людие, изшедше и ничто же обретше, отидоша. И пресечеся дьявольско действо от места того».

7-е. Номоканон, лист 72. «Аще убо кто есть священник, не искусен же, а другий не священник, искус же имея духовнаго деяния, сему паче священника праведно есть помышления приимати и правильно исправляти».

Статия третия. Яко не сомневатися единоверных достойных при случае именовати учителями, настоятелями и отцами духовными и исповедати им грехи своя. Сей третие свидетельства сицева суть:

1-е: Книга Беседы апостольския. Златоустыи в беседе 5-й на первое послание к Тимофею: «Яко же на воинствах не вси во едином виде воинствуют, но в различных чинох, такожде и в церкви, ов убо в учителя чину, ов же в учиника, а ин в невежды».

2-е: Кормчая, глава 2-я, лист 26 на обороте: «Учитель, аще и мирскии человек будет, искусен же слову учения и нравом чист, таковый да учит. Будут бо, рече, вси научени Богом».

3-е. Книга Кирилова, глава 18, лист 204: «Анастасий же святый пишет Великий: „Аще обрящешь мужа духовна и научена, мо-гущаго тебе лечбу подати, без стыдения и с верою исповедай ему тако, яко пред самем Господем". Иоанн же Лествечник глаголет: „Не прелщайся тем сыну послушни Господень, еже не исповедати грехов своих, но исповедуй пред учителем своим грехи своя. Невозможно убо есть стыдящуся человеку изленитися, но открывающу раны своя; открый же и ты раны грехов своих и, яко врачю, показуй их, не стыдяся, и к тому уже не прикладаем грехи на грехи, иже есть чего кляхомся».

4-е. Пролог, месяца апреля в 6-и день. «Слово о черноризце,  смирившем брата келий ради». Ниже: «Рече же ему ученик его: ,Дожди убо, отче, предварю мало, егдаж како будут тамо нецыи и соблазнятся". И, предварив, поведа старцу: „Отец мой грядет умо-лити тя, и пояти тебе в келию нашу, и учредити". И яко услыша, яко старец грядет, вскоре изыде во сретение его, издалеча сотвори поклонение, глаголя: „Аз прииду к тебе, не трудися, отче". Видев же Бог делание юнаго, умили отца его, и поверже жезл, иже ношаше, течаше на целование старца. И по целовании поем его и введе его в келию, яко ничто же слышав. Глагола же старец ученику своему: „Ничто же ли рекл ему, от них же рекох ты?" И рече: „Ни". Пора-доваше же ся старец, и разуме, яко зависть вражия есть. Тогда пад старец пред ногама ученика своего глаголя: „Ты отец мой отныне, аз же тебе ученик. Понеже ради твоего делания обою душы спасени быша"»

5-е. От Жития отец Корнилия Выгорецкаго. Отец Корнилий научая на путь спасения и достиже до глубокия старости маститы, еже есть 125 лет. И нача изнемогати, и призва братию, глаголя Даниилу: «Буди благословен Богом и мною грешным, буди прочим отец и наставник ко спасению». Андрею глагола: «Буди судия и правитель общежительству сему и всей братии». Во Истории о Выговской пустыни на листу 210-м писано сице: «О преставлении настоятеля Андрея».

6-е. В той же о Выговской пустыни Истории от главы 22-я: «А в их сестр келий, на оных сторону никто ни хождаше, кроме духовнаго их отца, и настоятеля, и келаря».

Статия четвертая. Яко настоятелям подобает быти благонравным и кротким. А учеником должно повиноватися учителем, аще и не кротким, а точию право учащим. Сей четвертой статье свидетельства сицевы.

1-е. Благовестник, лист 24 в Матфей: «Верному християнину светило миру подобает быти и соль земли».

2-е. Книга Лествица, слово 4-е, лист 83 оборот, «От разсуждения святаго Иоанна Савайтскаго». «Таже и к третиему глагола: „Восприими с дыханием твоим неотлучно слово,  глаголющее: «Претерпевыи бо до конца, той спасется». Иди, и, аще мощно, не остави в человечестем естестве ярейша или напраснейша своего о Господе учителя, и, стерпев, пий во вся дни, яко млеко и мед, хухнание и поругание". Брат же рече к Великому Иоанну: „И аще в ленности таковый пребывает, что?" Старец же рече: „Аще и блудяща его узри-ши, не отступай, но глаголи к себе: «Друже, на неже еси пришел». Тогда узриши в себе без вести бывающее надмение и увядающее разжизание"».

3-е. Беседы апостольския, лист 3113: «Како убо Павел глаголе: „Повинуйтеся наставником вашим и покаряйтеся", что убо рече, когда зол будет, повинемся ли? Зол како глаголеши: „Аще убо веры ради, бегай его и отрицайся, не точию аще человек бы был, но аще и ангел с небесе сшедыи, аще жития ради не испытуй"».

Статия пятая. Всяк православный християнин должен промышление творити о спасении дружнем, а не говорить, что дело не мое. Сей пятой статьи свидетельства сицевы.

1-е. Беседы апостольския, лист 3078, Златоустыи пишет: «Иже убо вся на учителей возлагайте, не вся на наставников, можете и вы, рече, друг друга созидати. Еже и к солуняном пиша, глаголет: „Един единаго созидайте, яко же и творите"».

2-е. Маргарит, лист 118: «Да не речеши в себе: „Мирский человек есть, жену имам и дети, сия иерейска суть, сия иноческая". Не бо самарянин он сицевая рече: „Где ныне суть священницы? Где ныне фарисеи? Где июдейстии учителие? Но яко некий лов обрет, тако обрете прибыток". И ты убо, егда видеши кого требующа врачевания, или телесное или душевное, не глаголи к себе: „Чесо ради он сица и он сица того не уврачева?" Но премени его от болезни и не истязуй онех вины небрежения, аще обрящеши злато лежащо, егда глаголеши к себе: „Чесо ради он сица или он сица то не взяша?" Но спешиши прежде инех сам взяти, тако и падших от братии помышляй сокровище обрести прилежание оных».

Статия шестая. Которыя исповедывать будут,  чтобы без стыдения у кающихся грехи спрашивали и епитемии достойныя подавали, а исповедающыяся чтобы сознавали себя виновными и без стыдения бы грехи своя открывали. Сей б-й статие свидетельства сицевы.

1-е. Потребник иноческий, лист 229-й на обороте: «По правилу первому Великаго Василия римляне убо и вси еретики иныя от всех различных еретических вер такожде по месалианскому мудрованию и василианскому, человеком грехи отпущают без епитемей и не разсмотряя плодов покаяния, и тако скоро от грех мнятся очи-щати и равну ересь в себе с месалияны и василияны содержать, того ради убо подобает и римлян и всех от различных еретических вер приходящих к нашей православней истинней християнской вере греческаго закона совершено крестити, понеже убо еретическое крещение несть крещение, но паче осквернение».

2-е. Того же Потребника глава 10, лист 127-й: «Григория Нисийскаго о исповедающихся, иже истинною хотящему прийти на исповедание ко отцу духовному сице подобает явственно исповедати вся своя согрешения, отнеле же родися и в память прииде, и в которыя грехи впаде, или во младенческом неразумии или в возрасте тридесяти летех, или в старости и в колики грехи впадеся, прежде ли мысля на грех и по падении мысля тоже, или в напрасньстве случися грех, или во единем гресе много лет пребысть и со многими падеся с мужеским или с женским полом, или в чрезъестественая согрешения впадеся, или с четвероногим, или в пиянстве, или на трезве бысть, и колико время в том пребысть не исповедаяся отцу духовному. И по исповедании колико согреши, или заповеданныя ему епитемии преобиде, и вся явствено исповедати и лиц различия, и мест разньствия, разве имени видех бо некия приходящия на покаяние и своя согрешения исповедающа сице, блудник есть, и прелюбодей, и во всем есмь грешен, увы таковаго неразумия и погибели душевныя, сицевым бо елице своя согрешения списанием исповедающе, и како в коя согрешения впадеша, вся исповедати явьственно и лица, и места, егда бо душа от тела разлучится и приходит мытарства на  воздусе и татцы убо тамо злы, воздушнии князи тмы, председящии на ере бесове и предносяще свитки, в них же суть написано согрешения, убогия душа где согреши, и с кем падеся, и в которое лето, и время, и день, и нощь, и час, и аще будет покаялася душа чисто отцу духовному и от него не скры ничто же, и человеколюбием Божиим невидимо заглажены обретаются согрешения, аще ли не исповедася чисте, то вся явствена суть согрешения и немощно от них скрыти ничто же. И сего ради, о отцы духовнии, испытайте грехов или будет нуждею, или волею сотворе-ни. Вопрошайте же времени и места и лиц, и по тому исповеданию и епитимию давайте или запрещение. Достоит вам, отцем духовным, испытывати исповедающагося мужа и жену и не срамлятися отцу чад, ни чадом отца, суть бо нецыи отцы, иже не испытывают срама ради чад своих, ни пако они не исповедают срама ради и сами ся погубляют в неразумии. Да не мозите срамлятися, но истязуйте многоплетенное кровосмешение и различная согрешения».

3-е. Лествица, слово 4, лист 68: «Не прелщайся, о сыне и послушниче, духом мнения, и яко же се от иного лица своя прегрешения учителю возвещати; ни бо есть без срама" гонзнути, обнажая, обнажи свой струп врачю, рци и не усрамися, мой струп, отче, моя язва, от моея ленности, а не от иного пребывши, никто же сей виновен: ни человек, ни дух, ни тело, ни ино что, но моя леность, буди и обычаем, и видом, и помыслом, яко осужденик о исповедании на землю поник, и аще мощно судиине и врачеве нозе, яко Христове, слезами моча, обычай бо многожды бесом или не исповедыватися нам влагают, или яко от лица иного се творити, или неких о своих гресех укаряти, яко повинны».

4-е. Книга Златоуст, по всех святых неделя 27, слово 105, лист 297: «Исповедайте друг другу согрешения своя и молитеся друг за друга, да исцелеете. И паки рече Святое Писание: „Верен и праведен Господь оставити нам грехи наша, аще исповем на ся беззако ния наша Господеви пред отцем нашим духовным и заповеди его л. без об. соблюдем"».  Ниже: «Глаголет бо пророческое слово, яко помышление человеческо исповесться тебе, аще бо сих всех не исповедаем и епитимию за вся не приимем - со диаволом осудимся».

Статия седмая. Изветом последняго времени не толковать разумно, что аки бы пресеклось исповедание грехов к друг другу, потому что порабощения ярем душ приемлющий по Писанию будут до всретения Господа на воздусе. Сей 7-й статие свидетельства сицевы.

1-е. Благовестник в толковании на зачало 102-е Евангелия от Матфея: «Тогда, рече, безпечалным сущем всем, делающим дела своя на селе, село бо именуется мир, един убо поемлется, сиречь праведный, иже и срящет Господа на воздусе. (Ниже.)к Обаче, аще и раби суть нецыи и мелют, сиречь работают, и молвят, яве бо от сего разумеваем, яко раби и жены, ни повреждаются ничим, аще хотят" добродетельни быти елицы на селе, сиречь в мире сем обретаются, аще препрости и ненаучени, и не применити, родом же и богатством, и славни и неславним, ови праведни, ови же неправидни, и праведни убо приемлются, неправеднии же оставляются во огни и в муках, мелющий же множество жен, обаче жен души приемшии порабощения ярем».

2-е. Соборник, лист 511: «Тоже покаяние обрящеши и пред Христовым пришествием».

Статия осьмая. Яко любезным читателем подобает держатися вообще всем правил, писанных в книзе Кормчей, и всему действоватися по правилом и сообразно и согласно всему Святому Писанию, самое то, что простолюдином свойственно, что и запретить и умолить, яко же апостол повелевает, и сия вся по Писанию творити, наипаче ныне нам на кончину века сего нужнейши суть. Сей осмой статие свидетельства сицевы.

1-е. Кормчая, лист 642-й, описание книги сей, глаголемей Кормчей и к любезным читателем: «Яко же в корабле плавательном художестве, чювственнаго мира, паче инех плавающим нужнейши есть кормничество, им же вящше спасаются плавающий, окормле-нием изящнаго художника: сице и в настоящем мира сего мори, в художестве кораблеплавательном, Божественнаго Писания, паче л. 684 инех  плавающим в корабли, глаголю же в Христове церкви, нуж-нейше и потребнейше есть кормничество, сиречь Божественный догматы: рекше святых апостол и святых отец седми вселенских собор, и девяти поместных предания, яже есть предложенная правила в сей книзе, ими же купно наставляются и спасаются вси плавающий в мори жития сего, окормлением истинных художников, пастырей и учителей, и преплавают удобно и леще пучины же и за ветры от нечистых духов возмущаемыя, яже есть всякия страсти в нас воздвизаемыя от них: душевныя и телесныя, и преводятся в пристанища тихая и небурная вечнаго блаженства горняго Иерусалима. Сего ради сия божественная книга по опасному ея художеству и по обретаемому нами в ней разуму в лепоту и достойно получи именование си Кормчая, юже ныне на кончине, глаголю, века не могии презираему видети от имущих серьдечную ниву, или путь, или камень, или терние». Ниже. «Книгу сию кормителем церковным, пастырем и учителем благим в лютое сие волнение: глаголю же, гонящих церковь сих папистов и новых симониат, понеже и врачем достоит с прилежанием прилагати пластырь тамо, иде же есть телесная язва, во ином же воздвизати оружие и ополчатися крепко тамо, иде же есть сопостатная брань, сице и кормничества художником искуство хитрости своея показовати, во время зимы и бурнаго противления».

Сии статии писаны при полном собрании в местечке, называемом Пашенка, в 7385 лето, генваря в 30-й день. К сим статиям подписались: в первых многогрешный Варсанофий Иванов, вместо Мины Григорьева и за себя подписуюсь, Иван Федоров подписуюсь, Алексей Панфилов подписуюсь, неключимый раб Иоанн Григорьев подписуюсь, Василей Михайлов подписуюсь, Егор Титович подписуюсь, Григорей Герасимов подписуюсь и за сына Василия, Иван Андреев подписуюсь, Степан Андреев подписуюсь, Естефий Степанов подписуюсь, Александр Макаров вместо Григорья Иванова Бородина и вместо Григория  Иванова Антонова, вместо Егора Алексева, вместо Николая Алексеева, вместо Родиона Степанова, вместо Андрея Тимофеева и за себя подписуюсь, Михайло Марков подписуюсь, Тихон Андреев Лебедев подписуюсь, Димитрей Михайлов подписуюсь.

Собр. ИИ СО РАН, Jft 13/74, л. 679-684 об.