Тюменьския статьи 7313, генваря 2, февраля 13
Во славу Святыя Троицы, Отца и Сына и Святаго Духа, аминь.
Вседержителю всех, Царю веком, безсмертне, непостижиме, безначальне, всесильне, небесе и земли, видимым же всем и невидимым Творче и Содетелю, иже в Троице славимый и поклоняемый вкупе от небесных и земных. Молим ти ся, многогрешнии раби твои, припадаем твоей благости, помози неизглаголанным милосердием твоим зде нужная и полезная сотворити; собрати ко спасению и ко утвержению православныя и непорочныя апостольския и святоотеческие веры исповедания: не новое что ввести, но древнее предание святыя восточныя церкви утвердити, дабы не удалитися, ниже по-грешити во всех заповеданных богоносными отцы и церковными учители, да твоею всесильною десницею укреплени будем о всем приносити тебе славу и честьа, благодарение и покланяние в бесконечная веки сподобимся возсылати. Аминь.
В лето от создания мира 7313-го, месяца генваря 2-го числа. По общему совету всех християн, собравшихся в городе Тюмени у некоего боголюбца, и совопрошались беседою от Божественнаго Писания о догматех церковных и обычаех отдревле последующих, и положились мы соборне вси наедино обще с теми, кои придержались феодосиев согласий вси со утвержением, чтобы нам последовать прежним страдальцем и учителем церковным, которые за древлецерковное6 благочестие от Никона и его новолюбцев и жизнь свою окончавше. В первых покажем: священный архиерей Божий человек Павел Коломенский. Сей за имя Исус Христово и за древлецерковное православие послан был в заточение в Олонецкой уезд в Палеостровской монастырь, иде же некое время пребысть тамо, свободно поучая народы и утвержая жити во святоотеческих преданиих и благочестию ревновати. Сей подражатель во всем святым отцем и приходящих убо от великороссийския церкве новокрещен-ных покрещевати истинным крещением. Заповеда же и новорукоположенных никако приимати иереов, но и заповедаша веема всем правилно, сказуя хотящим быти истинным християном и правым евангельским путем вестися, не приимати от таковых ни единыя тайны, о чем свидетельствуют вси священнии мужие, яко же Соловецкия обители иноческаго чина, священноиноцы, их же бе великий собор той святой обители, иже последи вси от новолюбитель страдальческою кровию в небесная селения послани быша, тако и прочии множаишии священнострадалцы. И елико иноческаго чина и мирскаго народа, людие благочестивии и Олонецкия страны вси пустыннии отцы за то крови своя пролияша. Тако же и памяти носящим и на рукописание взирающим преславных им последователей наших: Данила Викулича, дьячка стараго доставления, Корнилия стараго ж поставления, онамарьскую должность имеюща, при Никоне, в Новеграде тогда митрополитом бывшаго, Андрея Дионисовича, и Симеона Дионисовича, и Петра Прокопьевича, и прочих последователей. По них же и нам во всем бы быть непрекословным, в котором совершенстве союз любовный началом утвердили, в том бывать неизменно и до конца бы уклонятися от раздоромятежных толкователей, не согласующих с Писанием и не блюдущих Винограда церковнаго законоположения, при том же и разных церковных повсеместных обычаев, иже прияхом от отец наших, ничего не убавляти, в новы же ни от кого не приимати и не прибавля-ти, дерзающих же тая по наказании, аще не покаряются,— общения лишити, недоразумных каковых вещей по самомнению и без совета общаго не вводити.
Статия 1. Християном в совершенном возрасте и разуме поститися среда и пяток, аще изволит и понедельник, благоприятно есть Богу. А не будет поститися - таковаго по правилу 69-му святых апостол отлучать. Святый Афанасий Великий сице глаголет: «Разрешали среду и пяток - сей распинает Господа, яко же иудеи».
Статия 2. Познавше православную веру, и по приятии свята-го крещения узревши всю красоту винограда Христова, и видевше сад животнаго древа, аще по сему совершению, и по учению, и по наказанию отец духовных будут о себе не радети, и на свой обычай обращатися, и сластем плотским паче работати восхощут, нежели Господеви, и евангельскаго жития не приемлют, ни едино нам обще к ним слово. Мы бо в людех непокоривых и прекословных научихомся слышати: спасаяи, спаси свою душю, и блюди, да не погубиши себе, неисправленным приобщаяся, не повинования ради людьскаго".
Статия 3. А которыя по благодати будут в ереси уклонятися и возлюбят староженство или поползнутся женитися и брак приимут еретический, которыя служат на Антихристовом предании, последи же убоявшеся, восхотят прийти на покаяние ко отцем духовным, разсмотря таковых плоды прилежнаго покаяния, приимать бы по правилу 72-му 6 вселенскаго собора. И по соборному положению Филарета патриарха, глаголющю: «Яко не подобает православну мужу еретичестей сочетатися жене, аще же и будет - неключиму вменяют женитбу и законопреступен брак, аще обещается покая-тися лице еретическое, да не будет брак. Такожде и с латыни аще православная жена, сочетается с распустом же брака и запрещению подлежит по 12-й главе 3-го стиха, иже в Матфеи. Аще ли кто преступит уставленная, да отлучится». И по правилу 68-му Феодора Валсамона: «Еретической брак - не брак, но блудилище». И аще обратятся ко истинней вере и аще не будет священника в церкви, и им плакати во все время живота своего, а пребывать каждому во своих храминах поразно. И даст ей грамоту отпустную, а святых тайн при смерти да сподобятся, о сем и апостолу рекшу: «Лучше бо им не познати путь правды, нежели познавшим возвратитися вспять», понеже волею отступиша от правыя веры: благочестия отступити - Бога есть отступити. А по преступлении закона и по прижитии чад, аще и кроме еретическаго брака - неприятии таковыя по свидетельству Номоканона: «Прелюбодеи или явный блудник не приемлется в церковь, ниже приносы его, аще не оставится того греха - по 39-му правилу Великаго Василия».
Статия 4. Приносящим младенцов от неверных и новоженов, которыя без благословения церковнаго и браковенчания иерейска-го по крещении или до крещении брачишася и прелюбодеи суть, - от таковых благоискуснейшим советом своим отцы наши сего нам не предали, еже бы чада их крестити и приносы от них приимати и по правилу 18 Василия Великаго: «Отрастем блудным себе из-давше неприятии будут инако в церковь, аще не останутся греха и разрушат беззаконная сожития, себе расторгнувши сожитие, время прелюбодейнаго греха исполнит 15 лет быти без причащения»; о чадех же, не токмо от сих прелюбодеев, отверженных от святыя церкве, но аще кто во християнех живет, а постов среды и пятка не хранит, и сего в церковь да не приемлет, ниже чад его, аще не воздержится от мерзскаго, тем же от сего яве показася не младенческаго ради греха, но родительскаго ради нехранения, кольми паче от сих прелюбодеев, понеже таковых богоноснии отцы неразлучившихся друг от друга и на покаяние не приимали, но проклятию предавали.
Статия 5. Аще которыя мужи или жены крестят младенцев, а богословских глагол не знают, но крестят с молитвою инако не по разуму тех запечатленных богословских глагол, их нарицает Писание: и дверь, и ключ царства небеснаго. Друзии же крестят в девять лиц - таковых младенцев не отпевать и не поминать. Аще ли живи будут, то паки совершенно таковых крестить святым крещением; яко же сам рек пресвятый владыка священным апостолом: «Шед-ше научите вся языки, крестяще их во имя Отца и Сына и Святаго Духа». О сем заповедает правило святых апостол: «Аще который епископ или презвитер по Господню завещанию не крестит во имя Отца и Сына и Святаго Духа, да будет извержен». А творящий дело Господне с небрежением и дерзающий выше своея силы страшное запрещение от святых отец приимут.
Статия 6. Отцем духовным самем иметь отцев духовных и повсегодное иметь покаяние по рекшему: «Врачю, исцели сам себе». И паки: «Вы есте свет миру и соль земли, аще ли соль обуяет, чим осолится? Ни во что же будет к тому» и прочее. Пишет бо в христи-янском законе: «Иже кто в мире живет, а отца духовнаго не имать, той несть християнин». И паки: «Горе тому человеку, живущему в мире, иже умрет, а отца духовнаго себе не имея, лучше (бы) не родитися». Сего ради вам подобает всякому християнину по 4-й заповеди церковной: «Четырищи летом исповедати, аще и частей благоговейнейшии могут, но никто же паки да не имеет того, который бы не имел ни единою летом исповедатися, таковый бо под клятвою и отлучением от церкве». Тако же и апостол учит: «Исповедайте друг другу согрешения и молитеся друг за друга» - велие дело покаяние. Аще бо християнин без покаяния умрет, то не достоит над ним пети иерею, ни приношения за нь принести, яко не исполнил закона Божия и веры християнския.
Статия 7. Духовным отцем без совету и без отпустной грамоты чюжих детей не приимать, паче же впадения в неверие и осквернившимся с теми нечестивыми в сообщении пищи и питии. За пиянство не разрешать, но отсылают ко своему отцу: несть достойно да ин вяжет, а другий разрешает, тако и поместный собор заповедает сице: «Связавый разрешити может».
Статия 8. К волхвом в домы врачевания ради християном не ходити, и к себе в домы их не приводити, и никакова у них учения не приимати. В банях с неверными не мытися. По свидетельству Соборного Уложения Филарета патриарха: «Аще кто в бани мыется с неверными или врача призывая на цельбу - да отлучится». Тако ж и Иоанн Богослов свидетельствует, егда бежа из бани от невернаго Коринфа, тако и нам соблюдатися по завещанию святаго Иоанна Златоуста, ни в чем не сообщатися с неверными, еллинских обычаев удалятися: християном не играти, на позорища не ходить, сиречь на конское ристание, на кулашныя бои, на борьбы, на звериные травли, на качели, на катища, не точию не творити, но и не смотрети, а в деревнях в круги и на прочия подобная сим всякия мирския игралища - понеже сие Божественному Писанию противно. За таковыя дерзости священная правила от церкве отлучати повелевают*; 6-го вселенского Собора правило 51-е, Кормчая. И преподобный Ефрем ходящих на игрилища со идолослужители почитает: Слово о недели и Пролог о русалиях. И в житии преподобнаго Нифонта повествует, яко даю-ща деньги за смотрение игор относят бесове отцу своему сатане. И святый Златоуст ходящих на позорища весьма укоряет и идоло-служителем уподобляет. Свадеб не смотрети, в церкви еретическия не ходити, и входов соборных со образами не смотрети, и пения их не слушати, християнских икон внешним отнюдь не менять, ко внешним на погребение не ходити, со внешними ни в любви, ни в дружбе, ни в питии, ни в едении сообщение не иметь, и в гости в домы их для таких качеств не ходить. Родителем мирских своих чад не брачити и совета им не давати, тако же и сродником, другом, никакова им даяния не даяти, вседерзостнаго сквернословия в верных отнюдь да не слышано буди, а сотворших же что от вышепоказанных - на таковых по разсмотрению пост и поклоны налагати. Аще ли и по сих безстудствуют, да лишени будут общия молитвы.
Статия 9. Образом поклонятися древняго благочестия, да и ныне кои от християн писаны и литыя по подобию древних, и с советом общим поклонятися всенадежно, а от иноверных или от отступник и новоженов, паче же и не в подобие, отнюдь таковым поклонение не творити. А в домех християном внешних икон не имети и им поклонение не творити, и в мирския домы без нужды не ходити и их иконам тако же отнюдь не поклонятися.
Статия 10. Всякаго звания людей к вере приимати с великим опасением и учити всякому християнскому законоположению, обычаю, власов отложением, неподобных одежд изменением и прочаго новолюбнаго и мирскаго пристрастия, а время бы заповедать по апостольскому завещанию глаголющу: «Оглашенный три лета да поучается, аще ли же будет потщалив - скорее да будет прият» и. А младых же и поженившихся до познания веры паче же сих при-имать со искусом на год или на два и на три, а егда в кое время все християнския обычаи непорочно уведает и удержит и укреплен будет, тогда поставлять во оглашенных чину и вести пост четыре-десятный и тако тайну святаго крещения восприяти. Аще ли нужда некая смертная прилучится, таковых не оставлять. Ядши, не крес-тити, кроме смертнаго часа, беснующаго - не крестити, дондеже не очистится, при смерти же крестити, в течении крове - не крестити, дондеже не очистится. И в болезни сый, аще воспросит крещения — да крестится, потом, востав от болезни, научится вере и образу веры и прочая. А по совершении и по научению усердно и со страхом обычное правило свое отправляти на всяк день: вечерня, повечерия, полунощница, утреня, первый час, и часы, и келейное правило, и прочее. В келиях сущим грамотным пети вечерня, утреня - по Уставу или по Псалтыри отправляти, а неумеющим грамоте молитвами по преданию исполняти. А по нужди в пути или в тяжких трудех сущим и собрания лишившимся - поклонами исправляти. Крестное знамение полагати благочинно и истово и поклонятися низко. Во всякую неделю и праздники Господьскии, и Богородичны, и нарочитых святых великих не работати, но всем приходити в тыя дни на общее моление и на слушание Божественых Писании. Между собою всем имети союз любовный и молитися за творящих напасти; гнева и вражды не имети, и друг друга не оклеветати, и не укоряти, и не уничижати, и клеветников отвращатися, и безвременных бесед не простирати. Духовных правителей слушати и почитати, а без совету и без благословения никакова дела самочинно не начинати и не делати и не в какия проезды и отлучки самоволко без совету старших не дерзати. Четыре посты поститися по преданию и по уставу церковному, и во все лето во всяку среду, и пяток, и понедельник, аще изволит, а иноком же непременно и понедельник поститися по завещанию, кроме праздников и разрешенных седмиц, поединож-ды днем ясти без рыбы и без масла. Християном не клястися и не лжесвидетельствовати без правды, и скверных словес и безстудных, паче же срамных, не испущати, крадения и обид никому не твори-ти. Виннаго пития не пити и по павечернице ничего без нужды не глаголати, ниже пити. Одеждами, и шапками необычными, и сапогами туркообразными, и поясами не украшатися. В келиях единых без преграды с женским полом не жить, а паче же зазорных лиц л. 530 в келиях не держати, по 5 правилу 6-го вселенского собора. Зазора же убегают сии: матерь, сестра или тетка по отце или по матери, и ину некую от таковых преступающих же правил сия изврещи повелевают священныя, яко бо и мирстии человецы суть и живут в дому своем с чюжими женами и женами, иже не суть от незазорных лиц, ни сродницы им,— да отлучени да будут. Юным женску полу единым не жить, а от зазорных и двема в келий не жить. Власов мужем не растити, и никаким образом не украшати, аще ли в сих вышепомянутых не будут покарятися — таковых наказовати. А по наказании непослушающих отлучати.
Статия 11. Християном имети одежду по преждебывшему обычаю закона християнскаго, а немецкаго, а по иностранному обычаю одежди латинския и разных стран покроев, такоже и обуви не имети неприличных, а преступающих отлучати от церкве, притом же наблюдати весьма и того, дабы и по християнскому обычаю строенныя одежды и обуви не могли в молитвенное собрание блудническим и сатанинским украшением упестрятися, как жены, паче всех в сих упражнятися обыкоша, и поясов поверх одежей не имели бы отнюдь, и иметь их на срачицах - прекословников всячески наказовати, преподобный Ефрем пишет: «Ни в чем нам православным поганских обычаев не внимать, но отметать я». Сболезнует о сем и великий Златоуст, о нарицании християнскаго имени, яко не вси, именующийся християне, християне суть: образом християне, а нравом страннии язычницы и смесившеся с язычники и сиречь с погаными и с еретиками и навыкоша дел их; верному бо христия-нину светилу миру подобает быти и соль земли и прочее.
Правило 16 7-го вселенского собора, не точию за странныя с одежди, но и за украшение ризное духовный чин запрещению подлагает. Матфей же в 9-й главе 3-го стиха: «Верным украшати себе, и с ризами мягкими одежемся, ни знатным блещание». Яко же Василий Великий глаголет: «Образ же ризы един, да покрыет плоть». Горе украшающимсяк, воистинну удица есть дияволя ризничное украшениел ризное, желающим убо и ищущим и хотящим спастися возненавидимо есть. Слышите убо, о мужие, и жены, и юнии, и старцы, несть бо потребы нам в ризах телесных, многоразличных и многоценных, несть бо купно тело и душю украшати. Владыка на кресте тебе ради досаждение прият, ты же, окаянне, ризами украшаешися, и не трепещеши ли сердцем и не ужасавши ли ся убо, сия страшная слыша, да не убо украшатися ризами телесными, немецкое платье носяще подобны лютером, и кальвином, и прочим иноязычником, тии же подобии бесом, нам же християном сие от святых отец запрещено есть.
Статия 12. Которыя християне, будучи в коих местех, за даль-ностию при себе отцев духовных не имеют, от тех же, аще учинится между ими безчинное житие и многим на смущение, таковых обличать в том месте духовным правителем, наказывать соборне по священным правилом противу безчиньства, в нем же согрешают, да накажутся таковыя от мощных вкупе обличаеми. Яко же пишет: «Обличаемое свет есть», и паки: «Обличение на пользу есть». Заповедает апостол сице, яко чада ходите, искушающе, что есть благо-угодно, и не приобщайтеся к делом неподобным, темным паче обличайте; всяко же обличаемая от света являются, всяко же являемое есть. Глаголет о сем Великий Василий: «Лучше же обличение со дерзновением крыимыя дружбы, а иже убо ин иному да не сокрывает, да не братоубийца будет вместо братолюбца». Христи-янин, убо человек, должен, егда что слышит сбывшееся противное, да речет сие общему духовному настоятелю, да прегрешения душевная не пребудут не обличена и не исправлена; а по обличении и наказании, аще противны явятся, на тех просить отцам духовным, кому они противны, отцам же по совету со свидетельством наказывать таковых законно и правильно, да и прочий, видевше отец духовных, не имут упования по своему по хотению безчин-ныя мятежи воздвизати. А которыя защиту имеют за всенародных смутителей, таковых наипаче правильно наказывати должно и по апостольскому речению и прочих святых. Сего ради возвещать во время и безвремене, дондеже бо держатся и не отскочат своего без-чинства. Подобает их учити к покорению: умоли, запрети, свяжи наказанием, дондеже умолит Бога.
Статия 13. Разумеющим Священное Писание и желающим приносити Богу словесную службу по уставу церковному, а собою бы не дерзать, но с советом и благословением отец духовных, кои могут о сем богоугодно разсудити. Аще кто сему достоин будет, сие действовать подобает с благоговением и со страхом Божиим, по наказанию святаго апостола Павла без всякаго прекословия, меньший от болыпаго благословляется, блажен и благословен. И преподобен Никон благословляет сице: Псалмы, Апостол и Евангелие прочита-ти. Сия не токмо иноком и мирским, но и женам верным и говеиным подобно суть, и никто же возбраняй, иже со благоговением и смиренномудрием давидския псалмы, и жития, и словеса святых отец с молитвою и постом, и воздержанием, и бдением книги божественных пророк и апостол и евангельское учение изучая, и за еже ведети же и творити Божия воля, таковый Святаго Духа силу в себе привлачит, иже и дает ему крепость прочитаемая словеса в дела приложити. О сем поучают апостоли, Петр и Павел в 11 правиле: «Аще же ни в дому купно, ни в церкви собратися несть мощно, кож-до себе да поет, и да прочитает, и да молится или купно два или трие. Идежем аще, - рече, - два или трие собрани о имени моем, ту есмь посреди их». Великое человеколюбие Божие, яко и в малых, о имени его собравшихся, обещается посреде их быти. А которые са-моволно без совету и без благословения, паче же не узнавше силы церковнаго уставоположения и производить будут службы, таковым самочинцам запрещается по священным правилам, яко же преподобный Никон запрещает сице, иже в ненаказании без начальства живущим входити и тоя благочиние раздирати и много смущения и соблазны исполняти службы творящим. Повеле Собор вселенский отлучению таковых предавати, понеже от таковых любоначальст-вующих всякия соблазны, расколы и ереси происходят, никако бы таковых попускати, но и тех отлучати, которые по них поборати будут.
Статия 14. Християном всем иметь собственныя домы или при домех келий, а с мирскими бы отнюдь не жити, а которые семейства не по единой вере: овии светом Евангелия, а друзии тмою заблуждения, — с таковыми родители, или чады, или братия и сестры в едином дому не жити и ни в чем с ними душевреднаго сообщения не имети, а имети особыя келий, и к ним без нужды не ходити, и к себе не привечати, дондеже в сих пребывают. А кои веру христия некую исповедуют и страх Божий имеют, токмо за привременное некое любострастие, в таковом нечестии придержатся и во многих же вещех Богу угодных по силе своей воздержатся: среду и пяток почитают, и праздничныя дни тако же не гуляют, и к себе в гости никого не приводят, к церкви еретической не ходят и под руку попом такожде и детей своих крестить не дают, и в книги ихр не пишутся, то с таковыми единодомовными християном вс своих келиях пребывати, а в плотских потребах по нужде хотя и не разделятся, таковых отцы от церкве не отлучали, да от сих же кто младенца принесет окрестити, то с залогом добросовестным единаго или двух, овых же и до трех, а более не дерзаху крести-ти, а которыя вышепомянутых исправлений не имеют, и обещания родители ко исправлению себе не дают, и брака еретическаго не расторгают, у таковых детей отцы наши крестити нам не предали. А строителем духовным быти незазорным и Божественнаго Писания весьма наказанным, а во своих домех иметь бы всех верных, да будет учитель. Праздных слов от уст не износити, токмо молитву и страх Божий и учительное слово, а излишное ничто же. А по-слушателем бы быть всем кротким и молчаливым, и во всем бы на духовная послушным и непрекословным. Женам одежд мужеских не носити, ни шапок, ни чабаков необычных, ни внешних отнюдь бы не носити, а иметь бы одеяние обычное: женам — женьское, кое неблазненное и весьма неукорное и Богу непротивное. Главы бы укрывати платами обычными, кои издревле влечется, а власов бы не видети, а скудныя платы с прошивками, молим и засвидетельствуем, сих бы не утвержати, понеже издревле сего обычая не обреталося и от християн ни засвидетельствовалось. А паче же во время соборнаго молитвословия или наедине и за трапезой, тако же как и во славословии со страхом и говением благоискусно главы покрыты, поясов по верху не имети, празных словес не износити, токмо бы молитву Исусову и страх Божий, ино ничто же. Аще ли же всех сих выше показанных не будут исполняти, то поклонами смиряти. Аще ли сим не уцеломудрят себе, то общения лишати.
Статия 15. К покаянию приходящих едином бы началом грехи не прощати, кои судятся каноном, так будет по-месалиаски. Даров ради не прощати, даров ради не крещати, даров ради на исповедь не приимати и просто дары не взимати, сие есть симониацко. Аще всих, кто пребудет, а к покаянию не обращается, таковых отцов общения лишати, и дело бо его в дело не полагати и отметати по правилу 2-му 4-го вселенскаго собора. Християном кладязи иметь собственныя, а у мирских в кладязех воды не черпати, и к себе мирских в кладязи не пущати, понеже кладязи подобии чистому сосуду, так же подобает и их хранити. У мирских в домех молебнов не пети, тако же понахиды и погребения не пети. У мирских и из своей чаши, а коль паче из их сосудов ни пити, ни ясти, ни милостыню у иноверных не просити. Вино и прочия напои еретическаго и своего строения не пити. В воскресныя дни и праздничныя не тор-говати. В рез деньги не давати. Кадить святыя иконы по трижды, а в четвертые с крестом поклонение полагати, потом же и братию и кресты вкупе начало полагать приходное по церковному уставу.
Статия 16. Всякому настоятелю с духовными чады и с братиею, поучивше Священному Писаниют и церковному пению, зело опасно соблюдати себе и прочих. Приносити Богу словесную службу с пением, дабы паче Бога не прогневати, подобает о сем твердо наказану быти от Божественнаго Писанияу. Сего пророку Давиду повелевающу пети благоразумно. Тако же и апостоли повелеша пети в дву посланиих, к ефесеем, коласаем, научает апостол Павел сице: «Наполнитеся духом, глаголюще себе в псалмех, и пениих, и песнех духовных». И паки учаше: «И вразумляюще себе самех во псалмех, и пениих, и песнех духовных». Согласует о сем поместный Корфагенский собор во 103-м правиле: «Яко от всех соборов утверженная святая писания и молитвы, яже церковь прияла есть, вси християне творити должни суть; се же есть, яже в начале службы до Евангелия пения и почитания Священных Писаний». О сем Василий Великий научает душю питати божественными разумы: «Что бо есть сего блаженнее, еже ангельскому лику подобитися на земли купно, убо начинающуся».
Во славу святыя единосущныя животворящия и неразделимыя Троицы, Отца и Сына и Святаго Духа.
Мы, нижеименованныя святыя соборныя и апостольския церкве сынове, православныя християне, по мирной от Божественнаго Священнаго Писания беседе, друг друга уразумехом, что мудрствуем в богословных догматех, тако же и во всех святоцерковных предани-их воедино и ни в чем нимало разгласия не познахом, для чего и смирихомся и совокупихомся бысть во едином теле, под единою главою Господа Бога и Спаса нашего Исуса Христа и оживотворихомся достохвальною любовию и глашаем всем хотящим нас познати, что мы веруем и исповедуем, яко святая соборная и апостольская церковь не прилагающи, не отъемлющи ни единыя черты от образа веры и от седми вселенских и девяти поместных святых соборов, правильных узаконении, такожде и преподобных отец по единому каждых изданных правильных же и нравоучительных и повествованных богодухновенных словес и по временем, и местом, и лицам, каждое соблюдати и творити, елико Бог поможет, обещаваемся. От не хранящих же и презирателей таковым яко врагом Божиим и ратником церковным в сходство правильных узаконении отнюдь отлучаемся и ни во едином чем с ними совокупления не имеем. Соборное миродеяние сибирских и градотюменских и от разных предел християн со старопоморскими и выгопустынными началожители, устоявшия от Никона и его новолюбителей за древлецерковное содержание и по их другоприемницы, кои соблюдают непорочно правила и уставы по святоотеческим законоположением. Да и здесь в сибирских пределех бывшия их последователи: Иван Яковлевич кошуцкой настоятель. Никифор Тихонович пермской, Игнатий Семенович, Трифон Петрович. Пустынножители таватуйстии: Василий Семенович, Андрей Козмич, Петр Никифорович, Козма Семенович, Терентий Васильевич да и прочий многочисленнии; по них же и мы по готовому уставосодержанию или их зря извещение святыя веры, бывшее в лето 7313, февраля, 13 дня, положенная в 16 статиях, да и вышепомянутыи собор преблаженных наших отец, истинных Христовых страдальцев: Павла, реку, архиепископа Коломенскаго, да триех архиепископ подобных ему и прочих страдалец, духовных настоятелей, крыющихся от всезлобнаго Никона своим собором судиша по священным правилом никакия тайны не принимати от еретик. Архиерей, Божий человек, Павел Коломенский, заповедуя, вам глаголю, другом моим, яко есте мужие небеснаго звания, и не раздорницы святыя церкве в вас самех есть мужие, священницы и иноцы и простии, благочестивии мужие, боящийся Бога, сами себе опасно и безбедно соблюдающе, можете и приходящих к вам пол-зовати, в приключающихся нуждах друг другу помогайте. Буди на всех Вас благословение Господне отныне и до века. К сему общему положению градотюменския отцы и братия, и окрестных селений мужие по общему совету и согласию.
Каталог статьям тюменьским
Вси наедине с феодосиевыми.
Андрея Дионисовича пониже бысть непрекословным. 1. Церковных повсеместных обычаев. 2. Недоразумных без совета не вводити. 3. Новоженов расторгати, по соборному Филарета положению. 4. Новоженских и от неверных младенец не крестити. 5. С молитвою Исусовой, или в 9-ть лиц, крещение паки крестити. 6. Отцем духовным иметь отцев духовных. 7. Чюжих детей без отпущения не примать. 8. В банях с неверными не мытися. 9. Християном не играти. 10. Деньги за игры бесове относят сатане. 11. Християнских икон внешним не менять. 12. Икон от иноверцев 7313-ных устроеных не поклонятися. 13. В домех внешних икон не держать. 14. В мирски домы без нужды не ходить. 15. К вере приимать с опасением и учить. 16. Власов отложению, одежд изменению. 17. Приимати со искусом на год до познания женившихся. 18. Ядши не крестити, кроме смертнаго часа. 19. Беснующагося не крестити, дондеже л. очистится — присно крестити. 20. В течении крови не крестити. 21. В праздники не работати. 22. Духовных правителей слушати. 23. Иноком и понедельник постити. 24. По павечернице не глаголати. 25. Шапками и сапогами туркообразными не украшатися. 26. С женами без преграды не жити в келиях. 27. Зазорных не держати по 5-му правилу 6-го вселенского собора. 28. Власов мужем не растити и не украшатися. 29. Християном имети одежду по преждебывшем. 30. Сатанинским украшением жены упестряти обыкоша. 31. Не вси именующийся християне суть християне. 32. Удица дияволя риз-ное украшение. 33. Владыка на кресте тебе ради, а ты одеждами украшаешися. 34. Обличаемое свет. 35. Лучше обличение, крыемыя дружбы. 36. По уставу церковному службу, собою бы не дерзать. 37. Апостол и Евангелие, но и женам. 38. Без начальства живущих и службы творящих, собор повелевает отлучить. 39. С мирскими не жити. 40. Детей попом не дают и в книги их не пишутся, с таковыми християном пребывать в своих келиях. 41. Детей от таковых с залогом добросовестным, единаго или двух. 42. Главы укрывати платами обычными скудныя с пришивками. 43 и 44. К покаянию приходящих единем началом не прощати. 45. Християном кладя-зи иметь собственны. 46. У мирских в домехх молебнов не пети. 47. У мирских погребения и панахиды не пети. 48. В праздники не торговати. 49. Во псалмех, и пениих, и песнех духовных. 51. Иван Кушуцкой. 52. О жестоковыйном роде. 53.
Текст «Тюменских статей» публикуется по списку из собрания ИИ СО РАИ, № 13/74, л. 525 об.-534 об. Сборник подробно описан: Беляева О. К., Панин Т. В., Титова Л. В. Описание тюменских старообрядческих сборников из рукописных собраний ИИФиФ СО АН СССР и УрГУ // Источники по истории общественной мысли и культуры эпохи позднего феодализма. Новосибирск, 1988, с. 192.
|
