Книжница Самарского староверия Понедельник, 2017-Авг-21, 02:07
Приветствую Вас Гость | RSS
Меню сайта

Категории каталога
Алимпий (Гусев), митрополит [1]
Андриан (Четвергов), митрополит [5]
Остроумов С., белокриницкий иерей [1]
Никитин И.И., поморский наставник [3]
Андреев О.М., поморский писатель [1]
Егупенок С.Ф., поморский наставник [1]
Бобков Глеб, иерей РПСЦ [7]
Андрей Денисов, выговский киновиарх [1]
Андрей Борисов, выговский киновиарх [1]
Бирюлин М.Е., поморский наставник [1]
Коровин Вадим, иерей РПСЦ [1]
Гусляков Федор, белокриницкий иерей [0]
Кузнецов Маркелл, белокриницкий протоиерей [1]
Власов М.А., поморский наставник [1]
Геронтий (Лакомкин), епископ [1]
Данилов Х., поморский наставник [1]
Никитин И.И., поморский наставник [5]
Кляузов Кондрат, протоиерей РПСЦ [45]
проповеди, поучения
Ляпунов П., поморский наставник [1]
Михаил (Семенов), епископ [32]
Панкратьев А., поморский наставник [1]
Соборные наставления [1]
Тулупов Т.С., поморский писатель [5]
Фадеев П.Ф., поморский наставник [1]
Фролов Г.Е., федосеевский наставник [2]
Шмаков Димитрий, протоиерей РПСЦ [1]
Иннокентий (Усов), епископ Нижегородский [1]

Главная » Статьи » Проповеди, поучения » Андрей Денисов, выговский киновиарх

Андрей Денисов. Слово о покаянии
«Покаитеся, приближи бо ся Царство Небесное». Словеса во священнем Евангелии написана суть.
 
Якоже по мрачней и темней нощи сладкий дневный свет возсияет и по бури снежней зимней благоуханная тишина бывающи, многое утешение животным, многую сладость в мори плавающим подавает, тако по мрачнем беззаконии и по обуревании страстнем, егда свет страха Божия в душах возсияет, егда тишина покаяния возблагоухает, тогда благодатная весна возблистает и цвъты добродетельныя в таковых возсияют.
 
Темже о блаженнем и приснопамятнем покаянии должно вкратце вашей любви изъявити.
 
Ибо и сказуется, аще есть и может быти, покаяние согрешающим по святем крещении показуется истинно, яко есть покаяние, самому пречистому Владыце рекшу во святем Евангелии: «Яко радость бывает на небесех о едином грешнице кающемся» И блуднаго сына Отец Небесный, пришедша на покаяние, с колицем неизреченным милосердием прия и сыновство первое ему дарова. Темже есть покаяние по крещении согрешающим.

 

Что есть покаяние?

 

Покаяние - воззвание крещения, жития исправление, смерти вечнеи избавление, греха очищение, всех беззаконии исповедание, от дияволи воли исхождение, к Богу присвоение, мук вечных свобождение, Царствия Небеснаго получение.

 

От чего есть покаяние?

 

От Бога. Ибо всякое благое от Бога. Покаяние есть благое убо от Бога: Божиими щедротами и помощию и воззваниемъ его озаряем, а грешныи приходит на покаяние и страхом Божиим творить покаяние, по писанному: Страхомъ Господнимъ уклоняется всяк от зла, и от сокрушенна и смиренна сердца творится покаяние: «Сердце бо сокрушено и смирено Бог не уничижить».

 

Чесо ради есть?

 

Того ради есть покаяние, яко Богь повел грешнику каятися, яко покаяние есть взыскание свободы, приятыя на крещении, еяже чрез грех лишися, яко покаяние от грех очищает, от дияволя мучительства свобождает, мук вечных избавляет, отечества небеснаго наследника быти сподобляет.

 

Колико есть?

 

Велико есть спасителное покаяние, понеже  великих и тяжких   греxoв прощения сподобляет, и от тяжкаго ига диявольскаго свобождает, и велико милосердие Божие грешнику каяющемуся источает, и многажды падшаго многажды подъемлет и очищает, по реченному: «Аще грехи ваши оброщени, яко снег убелю я».

 

Яково есть?

 

Предивно есть покаяние: яко свет, омраченнаго нощию греха просвещает; яко солнце, оснежившагося беззаконием согревает; яко миро благоуханное, осмрадевшаго калом греха облагоухает; яко мыло перущих. от черноты греховныя убеляет, по писанному: «Омыеши мя, и паче снега убелюся».

 

Когда есть?

 

Во всяко время кающихся Господь приемлет, во вся дни покаяние кающихся очищает, изряднее же, по обычаем церковным, во святыя посты тайна покаяния содевается и согрешивший в постныя святыя дни с постом и молитвами покаянием омываются, по священному Евангелию: «Сей род ничимже может изыти, токмо молитвою и постом».

 

Где есть?

 

В православнъй церкви есть тайна покаяния, на всяком месте пред Божиею благостию каяися отпущение получает, по реченному: «На всяком месть владычествия его». Заключен в воле медяне, каяися, призывая Бога, Манасия услышан бысть. На кресте каяся, призва Бога, разбойник рая житель бысть. Темже на всяком мъсте содеваемое спасителное покаяние спасает кающагося.

 

Како есть?

 

Сице бывает спасителное покаяние: кающийся, сокрушенным сердцем и смиренною душею боголюбным благоговением и умиленным обращениемъ о преждесодеянных гресех каяся, исповедается Господу Богу и искусну мужу, яко врачю, показуя язвы греховныя и приемля целбу спасителную. Тако бывает спасителное покаяние, по писанному: «Исповем на мя беззаконие мое Господеви, и ты отпустил еси нечестие сердца моего».

 

С чим есть?

 

С прочими добрыми делы украшается, ибо кающийся во очищение грех своих епитимию приемлет, слезы изливает, пост продолжает, молитву умножает, милосердие содевает, послушание изливает, братолюбие показует, тяготоношение друг другу исполняет, досады дружния прощает, обидящим долги oтпущает, и тако со дерзновением молится: «Остави нам долги наша, якоже и мы оставляем должником нашим». И с прочими добрыми делы спасителное покаяние кающагося очищает и омывает, по священному оному словеси: «Омыйтеся и чисти будите». И по апостолу Иакову: «Верен и праведен, да оставить нам согрешения наша и очистить ны от веяния неправды».

 

Сицево есть пресветлое покаяние, благодатное просвещение, богодарованное очищение, падающих исправление, сокрушенных врачебница, малодушных прибежище, отчаявающих пристанище, раны приемлющих целителница, всех христоименитых корабль упования.

 

Темже должни вси боголюбивии содержати сие врачевание спасителное, подвижники - привпадающих пороков очищение; постники, молитвеники - нравов вредных омовение; чистии девственники - страстных и пристрастных вредов исцеление; послушники, трудолюбцы - ропотных почернении врачевание, самолюбнии и малодушнии - частых претыкании возставление. В киихъждо гресех оскверньшиися, чистителную и спасителную баню благонадежно восприимите и к милосердому милосердо приемлющему Отцу всежеланно притецыте и радость аггелом покаяния ради сотворите о Христь Исусё Господе нашемъ, емуже слава во веки. Аминь.

 
(РГБ. Собр. Барсова. № 225.2, л. 7-10 об.) 

Опубликовано: Юхименко Е.М. Литературное наследие Выговского старообрядческого общежительства. В 2-х т. Т.1 - М.: Языки славянских культур, 2008

Категория: Андрей Денисов, выговский киновиарх | Добавил: samstar2 (2009-Фев-10)
Просмотров: 1537

Форма входа

Поиск

Старообрядческие согласия

Статистика

Copyright MyCorp © 2017Бесплатный хостинг uCoz